Халыҡ күңелле ял итте

“Дуҫлыҡ моңо”район фестивале дауам итеп, сираттағыһы Иғмәт ауыл мәҙәниәт йортонда уҙҙы. Унда Ҡужбахты ауыл Советы ауыл биләмәһенең үҙешсән коллективы сығыш яһап, театрлаштырылған тамаша күрһәтте. Программалағы һәр номер тамашасы күңеленә хуш килеп, көслө алҡыштарға күмелде. Концерттан халыҡ күтәренке кәйеф менән таралышты.

Фойела Иғмәт,Абдулла, Үрге Маншыр ауылдарында йәшәүселәрҙең ҡул эштәренән күргәҙмә ойошторолған ине.