Район ауылдары буйлап “Үлемһеҙ полк” үтте

Уларға килгән һәм был донъяла бер булған Хәтер акцияһында ҡатнашып, илебеҙгә тыныслыҡ һәм бойондороҡһоҙлоҡ яулап биргән яугирҙәрҙең, тыл хеҙмәтсәндәренең хәтерен мәңгеләштергән райондаштар Бөйөк Еңеү көнө әле Ерҙә йәшәгән бөтә быуындар өсөн иң изге байрам булып ҡалыуын, уның һәр ғаилә тарихында онотолмаҫ-бөтмәс эҙ ҡалдырған олуғ көн булуын йәнә исбатланы. Был байрам көнө әлеге тантаналы сараларҙа ҡатнашыусыларҙың күңелендә тик яҡты хәтирәләр ҡалдырып, үҫеп килеүсе быуын өсөн ул дәһшәтле осорҙоң тере шаһиттары менән осраштырған, уларҙын хәтирәләрен хәтер һандығына һалып ҡуярға мөмкинлек асҡан иң үтемле тарих дәресе лә булды.